Нови снежни врнежи, па стабилизација на времето во оваа работна недела

За денес (понеделник) метеоролозите прогнозираат претежно облачно време, попладне почнувајќи од западните делови со врнежи од дожд, а на планините од снег. Кон крајот на денот и во текот на ноќта врнежите ќе преминуваат во снег и во некои од пониските места. Врнежите ќе бидат пообилни во западните делови, каде ќе се формира нова снежна покривка. Ќе дува умерен до засилен ветер од југозападен правец. Температурата во гостиварскиот регион ќе биде од -1 до 5 степени.

Утре (вторник) не‘ очекува променливо облачно и постудено време. Претежно во планинските подрачја ќе провејува слаб снег. Ќе дува силен ветер од северен правец. Температурата ќе се движи од -3 до 1 степен.

Во среда, четврток и петок биде потопло и стабилно. Ќе преовладува претежно сончево врме со мала до умерена облачност. Максималната дневна температура ќе достигне 9 степени.