Образовен медијатор ќе помага за подобро школување на ромските деца во гостиварските училишта

Гостивар е еден од градовите во Македонија, кадешто Министерството за образование и наука ќе ангажира образовен медијатор за основците Роми.  Целта е да се придонесе кон унапредување на основното образование и да се обезбеди дополнителна поддршка за учениците Роми во основните училишта.

Образовниот медијатор ќе има улога да помогне при вклучувањето на ромските деца во основното образование, да помогне при континуитетот и задржувањето на учениците Роми во образовниот процес и да ја олесни комуникацијата меѓу училиштето, родителите и заедницата за успешно да го завршат основното образование.

Конкурсот за пријавување на заинтересирани за оваа позиција е во тек, а пријавувањето трае до 8 мај.

Освен во Гостивар, ромски образовни медијатори ќе се ангажираат и во Шуто Оризари, Карпош, Ѓорче Петров, Чаир/Центар, Тетово, Гостивар, Кичево, Дебар, Битола, Прилеп, Куманово, Штип, Кочани, Виница, Делчево и Берово.

Деталите за условите може да ги погледнете ОВДЕ