Од Гостивар и гостиварско до сега 20 лица тестирани на корона, сите се негативни

Во текот на изминатиот период бил направен корона тест на 20-тина лица од гостиварското подрачје и сите резултатите биле негативни, односно пациентите немале присуство на вирусот.

„Тестирањата се вршат во Скопје, а според моите сознанија и информации од регионот на Гостивар тестирани се дваесетина лица и сите резултати се негативни. Вчера беше земен брис од жена, којашто пред десетина дена се вратила во Германија и се очекува во текот на денешниот ден резултатот да биде готов. Инаку, жената немала никакви симптоми. “, рече на прес конференцијата по денешниот состанок на Кризниот штаб во Гостивар, директорот на болницата, Јакуп Јакупи.

Во врска со состојбата околу заштитната опрема за медицискиот персонал во болницата, директорот кажа дека имаат доволно заштитни маски и ракавици за сите вработени и одделенија, но со оглед дека во ваква вонредна состојба има поголема потреба, мора да постои одговорно однесување и распределување на опремата.