Перо Пандилоски подготвува нов хит

Нашиот пејач Перо Пандилоски напорно работи на неговата нова песна. Најавува голем хит, со нешто поразличен стил од досегашните негови изданија.

Во соработка со Роберт Билбилов во чие студио се снима песната, очекуваат вистинско освежување на музичката сцена. Музиката на новата песна е дело на Александар Тарабунов, текстот е на Милан Миланов.

Перо ни изјави дека е задоволен од тоа како се одвива досегашното снимање и како звучи песната. Ни откри уште и дека истовремено се работи интересен видео запис за оваа песна. Нам ни останува единствено да причекаме до средина на ноември за кога е најавена промоцијата.