Питачи го преплавија Гостивар пред Рамазан

Питачењето е појава со којашто гостиварци постојано се соочуваат, но периодов во пресрет на празникот Рамазан Бајрам улиците во Гостивар се преплавени со питачи. Ги има возрасни, мајки со бебиња, но и многу деца, малолетници. Како и во претходните години, може да се забележи дека поголемиот дел од нив се дојдени од други краишта на земјава со намера да соберат што повеќе пари, ако се земе во предвид дека месецот Рамазан, се смета за време кога верниците треба да помагаат на сиромашните и да покажат хуманост.

Питачите обично се движат низ улиците во централното градско подрачје кадешто има поголема фреквенција на луѓе во текот на целиот ден. Но, особено се активни во вечерните часови, кога може да се видат и цели организирани групи на возрасни и малолетници кои бараат пари од граѓаните.

Питачите го држат Гостивар преку летото како „плоден“ терен и поради престојот на печалбарите во родниот крај.