Полициски билтен: Приведени 6 лица поради учество во две одделни физички пресметки во Гостивар

Министерството за внатрешни работи, информира за приведување на вкупно 6 лица, поради физички напад и инволвираност во физичка пресметка во два одделни случаи во Гостивар, во изминатото деноноќие.

Во првиот случај, ноќеска (19 април), половина час по полноќ, полициски службеници на СВР Тетово-Одделение за внатрешни работи Гостивар ги лишиле од слобода И.Ф.(29), 22-годишната Х.Ф. и Х.Ф.(53) од Гостивар, откако претходно Х.Ф.(53) пријавил дека во нивниот семеен дом бил физички нападнат од И.Ф.. Се преземаат мерки за целосно расчистување и документирање на случајот.

Додека во вториот, вчера (18 април)  во периодот од 19 часот и 45 минути до 20 часот и 35 минути, полициски службеници на СВР Тетово-Одделение за внатрешни работи Гостивар ги привеле Н.Х.(35) од Гостивар и Ш.А.(59) и М.М.(51) од гостиварски Равен, а поради сомнение за нивна инволвираност во физичка пресметка на улица „ЈНА“ во Гостивар, која била пријавена околу 19 часот. Се преземаат мерки за расчистување и документирање на случајот.