Премиерот Заев најави 31 мерка за поддршка на стопанството и граѓаните

Премиерот Зоран Заев го презентирааше четвртиот пакет мерки кој ќе изнесува 470 милиони евра, наменети за помош на граѓаните, вработените и на стопанството за да се надминат последиците од кризата предизвикана од КОВИД-19.

„Четвртиот пакет мерки е директна поддршка за економската и социјална сигурност на нашите граѓани и поттикнување на приватната потрошувачка, ги имаме предвид сите дејности, сите компании, а нашето внимание е насочено кон поддршка на работните места, на ранливите категории, невработените, рече премиерот.

Прва мерка е продолжување на поддршката за исплата на плата во последните три месеци. Како што рече, таа ќе биде скалеста и ќе зависи од падот на приходот кај компаниите. Колку е поголем падот на приходите толку ќе биде поголема поддршката која ќе се движи од 14.500 денари до 21.776 денари.

Втората мерка е платежна картичка за за поголема потрошувачка во износ од 6.000 денари, а ќе ја добијат 5.726 самохрани родители 182.271 пензионер со пензии до 15.000 денари, 85.108 пасивни баратели на работа, самостојни уметници, која ќе ја добијат и оние граѓани над 64 години кои немаат пензија, а се со приходи пониски од 15.000 денари или воопшто немаат приходи.

Меѓу мерките е и зголемување на грејс период на бескаматните кредити од Ковид 1 линијата во траење од три месеци, викенд без ддв, потоа поддршка со плата на туристичките водичи, поддршка за туризмот преку враќање на туристичката такса за 2019 година во износ од два милиони евра.

Четвртиот пакет мерки има 31 точка и е продолжение на претходните три пакета, а целта е да се обезбеди одржливост на макеоднските економски дејности и работните места.