Промовирани нови кабинети во техничкото училиште во Гостивар

Учениците и професорите во средното техничко училиште во Гостивар добија нови пет опремени кабинети за поквалитетно изведување на наставниот процес. Се работи за кабинети по електро-техника, електро-механика, по ликовна уметност, и за јазици. По тој повод, училиштето денес го посети градоначалникот, Арбен Таравари.

„Посебно задоволство ми е да го посетам средното техничко училиште. Училиштата во Гостивар добиваат достоинствен изглед и може да речам дека со основните и средни училишта сме лидери во земјава, што ме прави особено горд. Овде промовираме пет нови кабинети, современо опремени, со смарт табли и се друго што им е потребно на професорите и учениците. Целото училиште има ново осветлување, направени се и други зафати, а се најавува и една инвестиција од 450.000 евра, што ќе се реализира наскоро.“, рече градоначалникот.

Директорот на училиштето Бесир Салиу се заблагодари на поддршката од општината, потврдувајќи дека и во наредниот период како управа ќе работат во подобрување на условите за настава.