Гостивар
Прошетка и велосипедска тура во Гостивар на Светскиот ден без автомобили
Со симболична прошетка низ центарот на градот и велосипедска тура, во Гостивар се одбележа Светскиот ден без автомобили.
Настанот го организираше општината во соработка со здружението Гвеко, во рамки на Европската недела на мобилност.
Целта е да се подигне свеста кај граѓаните, во секојдневните активности автомобилите да ги заменат со велосипеди или да пешачат, за да се намали аерозагадувањето.
„Ние како еколошко здружение ќе се залагаме Гостивар да добие трајна пешачка зона во центарот на градот и да се подобри инфраструктурата со велосипедски патеки. За жал, Гостивар е автомобилски град, бројот на автомобили во последната година пораснал за 1.500. Градот се гуши во автомобили. Ако сакаме ова да се промени, пред се‘ треба да ја измениме инфрастуктурата. Сакаме да испратиме порака-секој еден граѓанин што го користи автомобилот за некои 500 метри да стигне до најблиската кафетерија, пред да влезе во автомобилот треба да сфати дека тој носи вина за енормното загадување на воздухот и за многубројните болести кои се последица на аерозагадувањето“, изјави Валентина Штерјоска од здружението Гвеко.
„Како општина годинава имаме две новости во однос на поттикнувањето на велосипедизмот. Обезбедивме нови велосипедски патеки во должина од над 1,5 километри и субвенциониравме купување на велосипеди. Мојата порака би била што повеќе користете велосипеди и пешачете, што помалку користете автомобили“ наведе градоначалникот Арбен Таравари.
Светскиот ден без автомобили е добар повод да потсетиме на бенефитите од возењето велосипед за здравјето. Ги зајакнува мускулите, го подобрува држењето на телото, функционирањето на кардиоваскуларниот систем, го чува менталното здравје и го намалува стресот.
Причина плус е што при возење велосипед организмот ослободува ендрофин, хормон на среќата.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот
-
Вестипред 2 месеци
Историјат на Осми март – Празник посветен на правата на жените
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ