Референдум 2018: Собир на „Бојкотирам“ утре во Гостивар

Кризниот штаб против Референдумот утре ќе одржи собир во Гостивар под мотото „Македонија бојкотира“. Штабот води кампања за неизлегување и бојкот на Референдумот со став дека договорот со Грција е  штетен договор кој носи промена на идентитетот и историјата на македонскиот народ

„Соочени сме со историски момент каде е важно како Македонци да останеме свои на своето. После неуспешниот референдум ќе падне марионетската влада во Скопје и тие ќе немаат време да ги остварат заканите што ги упатуваат на терен спрема граѓаните да излезат на гласање. Ова не е борба на партии или лидери, ова е борба за Македонија. Нашата борба е исправна, ние се бориме Mакедонците да не бидат избришани од светската мапа на нации, ние се бориме за опстанок на цел еден народ, нашата борба е света должност и затоа Македонија ќе победи“, велат од Бојкотирам.

Во Кризниот штаб против Референдумот се влезени околу 65 организации, политички партии, невладин сектор, граѓански иницијативи од земјата и дијаспората.

Од Бојкотирам ги повикуваат сите загрижени граѓани да дојдат утре и да ги слушнат штетните факти кои сакаат да им ги наметнат криејќи се позади кампањата За Европска Македонија и овој Референдум.

Собирот во Гостивар ќе се одржи утре (13 септември) во летниот Амфитеатар со почеток од 17.30 часот.

(платена политичка објава)