Рецепти со прокељ – Минијатурен, а толку моќен сојузник на здравјето

Прокељот е природен извор на протеини, растителни влакна, витамини, минерали и антиоксиданси. Прокељот е мал зеленчук, кој со својот изглед наликува на минијатурна зелка. Овој зеленчук спаѓа во семејството на зелката, заедно со зелката, брокулата, карфиолот, марулата и слично. Конзумирањето на прокељ го подобрува вашиот имунитет, а помага и во намалување на телесната тежина. Бидејќи изобилува со антиоксиданси се смета за добра превенција од канцер.

Во продолжение два рецепти со малиот, но моќен зеленчук:

Салата со прокељ 
Состојки:
-300гр чадена сланина/или чадено пилешко
-500гр прокељ
-100гр ореви
-1/5 лажичка хималајска сол сол
-100мл масло

Дименото месо ситно се сечка и се пропржува на загреано масло. Оревите се толчат и се посолуваат со масло. Прокељот се става во зовриена вода за да се обари. Прокељот и оревите се додаваат во месото и се пржат заедно се додека прокељот не зарумени. Може да се служи топло и ладно. Се додава лукче по вкус.

Супа со прокељ
Состојки:
-300гр прокељ
-2 моркови
-2 компира
-2 зелени пиперки
-околу 1л вода
-сол и ловоров лист

Морковот се ренда и се пржи заедно со ситно исечканата пиперка. Потоа се додава компирот исечкан на коцки. Се додава водата и се варат околу 20 минути, на крај се додава прокељот и сол по вкус. Се заедно се вари уште 20 минути. Откако ќе се тргне од оган се додава ловоров лист. Супата се служи топла.