Што да јадете и пиете наутро за енергија и добар почеток на денот

Дека појадокот не треба да се прескокнува, знаат сите. Но, за нашето здравје подеднакво е важно и која храна ја внесуваме наутро во организмот. Балканските навики во исхраната, за жал не се најдобри кога е во прашање појадокот. Каде најчесто грешиме?

Нутриционистите советуваат наутро да се избегнуваат печивата, да не се јаде бурек, сендвич, кифли, крофни. Наместо тоа, да се внесуваат намирници богати со витамини и растителни влакна.

ОВОШЈЕ: Било кое овошје да го изберете за појадок, нема да згрешите. Банана, јаболко, портокал…А може и сите заедно.

ЈОГУРТ: Околу 200 мл јогурт содржи протеини колку и еден среден месен оброк, што го прави одличен избор за наутро.

ЈАЈЦА: Иако содржат релативно високо ниво на холестерол, познато е дека тоа не влијае врз холестеролот во крвта. Во жолчката на јајцето има лутеин, антиоксиданс кој го содржат и кељот, спанаќот.

ПУТЕР ОД КИКИРИКИ:Во нашата исхрана малку се користи, а е доста препорачлив, особено за појадок. Две лажички путер од кикирики содржат 20% од потребното дневно количество на протеини за возрасен човек.

ЖИТАРКИ: Лесни за подготовка, корисни за организмот. Сепак, треба да се внимава и да се избираат оние без додаток на шеќери.