fbpx
Поврзи се со нас

Здравје и убавина

Сите лековити својства на бозелот и како да си подготвите сок од ова растение

Објавено

на

    Покрај првите цреши, многу луѓе месецот мaj го поврзуваат со берење бозел и подготвување сок, чиј вкус многумина ги враќа во безгрижните денови од детството. Бозелот има голем број лековити својства, но многу е важно правилно да се употребува. Коренот, листот, стеблото и незрелото овошје содржат токсични материи кои може да доведат до труење. Од друга страна, зрелите бобинки и цвеќињата се безбедни за употреба, но сепак треба да бидете внимателни кога ги консумирате. Бозелот е богат со антиоксиданти, а покрај многуте витамини, содржи и Б1, Б6 и витамин Е.

    Бозелот има голем број лековити својства. Постарите цвеќиња се богати со танини, флавоноиди, каротини и витамин Ц. Се претпоставува дека флавоноидите кои што се во бозелот се одговорни за повеќето од неговите лековити својства. Овие се моќни антиоксиданти кои ги штитат нашите клетки од оштетување, а лековитите својства на ова растение се познати со векови. Користен е како диуретик и лек кој помага при ублажување на варењето на храната, жолтицата и гинеколошките болести. Бозелот е исто така одличен сојузник во спречување на грип и настинка бидејќи го зајакнува имунитетот. Покрај тоа, тој има ефект на детоксикација, бидејќи го подобрува излачувањето на токсините од лимфните жлезди, а исто така може да помогне во решавање на проблемот со акни, чиреви и дамки на кожата. Ја олеснува и кашлицата. Поради сите овие лаксативни, диуретични и детоксикациски својства, тој е одличен и како помагало при слабеење.

    За да направите сок од бозел, потребни ви се следниве состојки:

    30 големи расцветани цвеќиња,
    3 литри вода,
    3 кг кафеав или бел шеќер и
    20-30 гр обична лимонска киселина.

    Во голем сад измешајте ја водата и шеќерот, ставете ги на оган и варете додека шеќерот не се раствори. Откако ќе се излади подготвениот раствор, измешајте лимонска киселина во неа и, конечно, претходно измиените цвеќиња од бозелот. Подготвениот раствор оставете го да отстои 24 часа на темно и суво место. Потоа исцедете ја преостанатата течност со цедалка за да не останат парчиња цвеќе во неа. Истурете го добиениот сок во чисто и претходно стилизирано шише. Може да се додадат и парчиња лимон.

    Advertisement
    Advertisement
    Advertisement
    Advertisement
    Advertisement
    Advertisement

    АНКЕТА

    Дали ќе одите на летен одмор?

    Вработувања Полог:

    Advertisement
    Advertisement

    Популарно изминативе 100 дена

    error: Содржината е сопственост на Gostivarpess.mk!