fbpx
Поврзи се со нас

Вести

СП 2017: Македонија изигра храбро против Исланд (27:27) – се избори за да ја добие Норвешка

Објавено

на

По нерешените 27:27 во дуелот со Исланд во Мец, македонската ракометна репрезентација го освои 3. место во групата Б на Светското првенство што се одржува во Франција. Ова значи дека во осминафиналето избраниците на селекторот Лино Червар ќе се сретнат со Норвешка и ќе го избегнат актуелниот светски шампион и домаќин на првенството.

Вчерашниот натпревар со Исланд македонските ракометари одлично го почнаа и по седум минути водеа со 4-0. Во тие моменти одбраната функционираше беспрекорно, а во нападот се погодуваше од сите позиции. Следуваа три лоши минути со технички грешки, серија од 5-0 за Исланѓаните и преземање на водството кое го зголемија до максимални плус три (9:6). Во 23.минута резултатот беше нерешен 11:11, за до крајот на првиот дел Исланд повторно да отиде на плус два (15:13).

„Црвено-жолтите“ лошо го отворија вториот дел и му дозволија на ривалот во 37.минута да има максимални пет голови предност 20:15. Македонија не се предаваше и на седум минути до крајот успеа да намали на само еден гол 24:25, а веќе во 56. минута резултат беше израмнет 25:25.

При резултат 27:27, Исланд го имаше последниот напад за победа, но Кирил Колев беше најдобар кога беше најпотребно и одбрани.

Најдобриот стрелец во досегашниот дел од Мудијалот, Кирил Лазаров и вечерва беше најефикасен во македонскиот состав со седум голови. Во исландската репрезентација најзабележителен беше Рунар Карасон исто така со седум погодоци.

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!