СП 2018: Почнуваат четвртфиналните пресметки

Во тек е 21-то Светско првенство во фудбал кое се одржува во Русија. Денеска после точно 56 одиграни натпревари на овој Мундијал започнуваат четвртфиналните пресметки. Нема дебитанти меѓу селекциите во оваа фаза, што значи сите осум селекции веќе еднаш се нашле во четвртфиналето на светските првенства. За место во полуфиналето ќе се борат: Уругвај-Франција; Бразил-Белгија; Шведска-Англија; Русија-Хрватска. Н

Денеска од 16 часот, први ја отвараат оваа четвртфинална фаза селекциите на Уругвај и Франција. Уругвај го победи европскиот шампион во осминафиналето, но голем удар за оваа селекција е повредата на Кавани. Селекторот Табарез во неговите изјави мудро ја чува во тајност вистинската состојба на Кавани, знаејќи дека французите највише стравуваат од најдобриот играч на францускиот клубски шампион.

Франција во осминафиналето ја совлада Аргентина со резултат од 4:3, немаше ни пораз во групната фаза, што само ја потврдува силата на „петлите“. Француското фудбалско чудо Килијан Мбапе е МВП на осминафиналните мечеви, сигурно има уште многу да покаже 19 годишниот фудбалер, кој го одблежува овој Мундијал. Натпреварот ќе се одигра на Нижни Новгород стадионот.

Во вечерниот термнин од 20 часот ќе се сретнат селекциите на Бразил и Белгија. За бразилците нема многу што да се зборува, каде и да се појават се фаворити. Иако на ова Светско првенство не потсеќаат многу на нивните славните времиња. Во осминафиналето ја исфрлија селекцијата на Мексико, добра вест за нив е што се враќа капитенот Марсело кој се повреди на мечот со Србија.

Белгиците влегоа во осминафинале со гол во 94-та минута. Беа 70 минути подреден противник на натпреварот со Јапонија, но во само 20 минути го остварија она што го посакуваа влез во оваа фаза. Ова е нивен петти меѓусебен дуел, а подобар резултат во досегашните четири средби имаат Бразилците. Натпреварот ќе се одиграна Казан арена.