Србинка ограбила своја роднина во Гостивар – и претходно крадела од блиски

Србинка била на гости кај своја родина во Гостивар и и` го украла златен накит вреден околу 500 евра. За среќа на ограбената, накитот бил пронајден и вратен, а србинката завршила во полиција.

Кражбата се случила вчера во куќата на триесет и едногодишната гостиварка М.Д, околу 14 часот.   Полицијата соопшти дека српската државјанка, К.З.Б , која била блиска роднина на домаќинката го искористила нејзиното кусо отсуство и од фиока во биро одзела повеќе парчиња разновиден златен накит во вкупна вредност која се проценува на 30 илјади денари.

Србинката била лишена од слобода и задржана во Полициската станица Гостивар, а одземениот накит е пронајден и вратен на сопственичката.

СВР информира дека српската државјанка се сомничи, дека и претходно, кон крајот на минатата година, извршила кражби на златен накит кај нејзини роднини во Гостивар и Ново Село.