Супер едноставна чоколадна торта

Ретко кој има време во динамичното секојдневие да застане во кујна и да подготви некој комплициран десерт. Сепак, желбата за сладок и домашен десерт можете да ја задоволите со оваа супер едноставна чоколадна торта за која не се потребни многу состојки или алатки за подготовка, туку потребен ви е само еден сад, жица за матење и сад за печење.

Состојки:

2 шолји бел шеќер

1 и ¾  шолја обично бело брашно

¾ шолја какао во прав

2 јајца

1 шолја млеко

1 шолја зовриена вода

Половина шолја масло

1 и пол лажичка прашок за пециво

1 и пол лажичка сода бикарбона

1 лажичка сол

2 лажички арома ванила

Подготовка:

Загрејте ја рерната на 180 ° C. Садот за печење подмачкајте го и побрашнете го. Во еден сад измешајте шеќер, брашно, какао, прашок за пециво, сода бикарбона и сол. Додадете ги јајцата, млекото, маслото и ванилата и мешајте со жица за матење 2 минути. Сега додадете ја зовриената вода и измешајте. Истурете ја смесата во сад и печете 30 до 35 минути – проверете дали е готово со методот на чепкалка за заби, ако излезе чиста од колачот, можете да ја исклучите рерната.

Оставете да се излади во сад 10 минути, а потоа можете да уживате во десертот и да го збогатите со сладолед од ванила.