Поврзи се со нас

Вести Гостивар

Тепачка со повредени лица во кругот на средното економско во Гостивар

Две малолетни лица се згрижени на скопските клиники, а едно во гостиварската болница, по тепачка која попладнево избила помеѓу две групи пред кафуле во кругот на средното економско училиште. Мотивите и бројот на учесниците во тепачката ги истражува гостиварската полиција.

Од СВР Тетово потврдија дека дошло до нарушување на јавниот ред и мир во кругот на училиштето со тепачка на две групи, едната од село Чегране, а другата од село Врапчиште. Според првичните наоди на полицијата во физичката пресметка учествувале повеќе од дваесет лица. Групите се степале со клоци и тупаници, а користен бил и остар предмет, најверојатно нож.

– Во тепачката две лица едното на возраст од 16 години, а другото на 17, биле пренесени со повреди во градите, односно грбот во гостиварската болница, а отаму на скопските клиники. Со повреди се задобило уште едно лице на возраст од 18 години, кое е задржано во гостиварската болница, информираат од СВР Тетово.

Во тек е увид по кој ќе биде појасно кои се мотивите за тепачката и кој сé учествувал во неа.

Сподели:
Advertisement
Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!