Викенд карантин: За неопходни лекови или храна контактирајте ги мобилните тимови во Гостивар

Од вчера (петок) од 16 часот започна засилениот полициски час и движењето на граѓаните е забрането до вторник, 5 часот наутро. Мерката беше воведена во насока на заштита на населението од ширење на коронавирус.

Во Гостивар во текот на вчерашниот ден евидентни беа гужвите пред маркетите и аптеките, каде граѓаните се обидуваа да се снабдат со сето она што им е потребно за 85 часовен карантин, храна, лекови, хигиенски средства и слично.

Сепак, за оние што не успеале да набават, а особено за старите, болни и изнемоштени лица на располагање им се мобилните тимови, коишто ќе ги им купат неопходните лекови и продукти и ќе им ги достават до нивните домови. Мобилни тимови формираа општината, како и Црвениот Крст. Трошокот за набавката го плаќаат самите граѓани, додека тимовите бесплатно ја вршат доставата.

-контакт од општински мобилен тим:

072 577 713
072 577 741

-контакт од мобилен тим на Црвен Крст (од 9 до 13 часот):

042-216-488