Викенд временска прогноза

Времето денеска (петок) ќе биде променливо облачно и нестабилно со пороен дожд и грмежи. Локално процесите ќе бидат поинтензивни во форма на невреме со пообилен дожд за кратко време, засилен ветер и изолирана појава на град. Температурата во регионот на Гостивар ќе се движи од 13 до 20 степени.

Утре (сабота) не‘ очекува променливо облачно, посвежо и ветеровито време со повремени локални врнежи од дожд. На места ќе биде нестабилно со краткотраен пороен дожд и ретки грмежи. Ќе дува умерен, долж Повардарието повремено засилен ветер од северен правец. Максималната дневна температура ќе достигне 20 степени. Во недела, според прогнозите ќе се задржи променливо облачно време, со пораст на температурата за неколку степени. Ќе дува и засилен северен ветер.