Викенд временска прогноза

Времето денеска (петок) ќе биде сончево и топло со мала до умерена локална облачност. Попладне, главно во западните делови, облачноста ќе се зголеми и ќе има услови за изолирана појава на пороен дожд и грмежи. Ќе дува слаб до умерен ветер претежно од северен правец. Максималната температура во гостиварскиот регион ќе достигне 32 степени. УВ индексот ќе биде 8.

Под влијание на топла воздушна маса во деновите од викендот времето ќе биде многу топло со дневни температури над 35 степени. Изолирана појава на пороен дожд и грмежи ќе има утре (сабота) претежно во западните делови во кон средината на денот. Во недела особено вдолж Повардарието ќе засилува северен ветер.