Во Гостивар на Избирачкиот список има 79.160 граѓани

На утрешниот Референдум, на подрачјето на општина Гостивар право на глас имаат вкупно 79.160 граѓани, кои се запишани во единствениот Избирачки список. Гласањето ќе се спроведува на 121 избирачко место, а за гласање во текот на денешниот ден беа пријавени 13 болни и изнемоштени.

На територијата на општина Врапчиште има 25.454 гласачи, кои може да го остварат правото на глас на 39 избирачки места. Во Маврово-Ростуше вупниот број на гласачи изнесува 9.672, а избирачки места има 39. Во овие две општини нема болни и изнемоштени лица за гласање.

Општинските изборни комисии информираа дека се` е подготвено за спроведување на процесот на гласање утре, кое започнува во 7 часот наутро и трае до 19 часот.