Во Пожаране ќе биде осветена возобновената црква „Свети Климент Охридски“

На 9-ти август, во среда, 2023-то лето Господово во гостиварското село Пожаране, со почеток во 8:30 часот ќе се одржи голем собир во чест на осветувањето на воозобновениот храм посветен на Свети Климент Охридски. Чинот на осветување на целосно воозобновената црква ќе го изврши митрополитот тетовско-гостиварски г. Јосиф во сослужение со свештеници од гостиварското архиерејско намесништво.

Црквата е воздигната на месноста наречена „Климентија“ со исти димензии и врз старите темели кои датираат уште од 10-ти век. Градежните работи на храмот со благослов на полошкиот митрополит започнаа во 2015 и траеа 8 години се до оваа 2023 година, изградена со многу љубов и големи заложби на верниците од овој крај.

По чинот на осветувањето на храмот ќе се отслужи и прва света Божествена Литургија, по што ќе следи братско- сестринска трпеза и сеопшта народна веселба.

Од црковниот одбор ги покануваат сите верници од гостиварскиот крај и земјава кои сакаат да земат молитвено учество и да станат сведоци на овој свештенолепен чин.

Во горно полошкото село Пожаране има уште две цркви посветени на Свети Никола изградена во 1912 година и Свети Илија која датира од 1902 година.