За три месеци во Гостивар се родиле 103 бебиња, а починале 150 лица

Бројот на живородените деца во првото тримесечје годинава во земјава, во споредба со истиот период лани, е намален за 8,8 % и изнесува 3.656 живородени деца, соопшти Државниот завод за статистика.

Бројот на умрените лица, пак, бележи намалување од 29,5 % во споредба со истото тримесечје лани и изнесува 5.233 лицa, а од нив пет се умрени доенчиња.

Природниот прираст е негативен – 1 577 лица што значи, за толку лица бројот на живородените деца е помал од бројот на умрените лица.

Според податоците на Државниот завод за статистика на подрачјето на Општина Гостивар во првите три месеци се родиле 103 бебиња, а починал 150 лица. Ова значи дека и Гостивар е со негативен природен прираст.

Иста е состојбата и со околните општини. На подрачје на Општина Врапчиште во јануари, февруари и март евидентирани се 42 новородени и 52 умрени. Маврово и Ростуше во посочениот период е со 5 родени бебиња и 6 починати лица.