Македонија
Започнаа Спортските синдикални игри на полицискиот синдикат
Во Охрид денеска започнаа 21-те по ред Синдикални спортски игри, во организација на Македонскиот полициски синдикат. Синдикалните игри се меѓународен спортски синдикален хепенинг, на кој претставници од 15 полициски синдикати од земји од регионов и од Европа, во седум спортски дисциплини, ќе ги прикажат своите спортски, физички вештини и знаења.
Настанот го отвори министерот за внатрешни работи Оливер Спасовски, во присуство на претседателот на Македонскиот полициски синдикат, д-р Марјан Кицев, претседателот на Советот на Европски полициски синдикати, д-р Рикардо Валадас, државната секретарка во МВР, м-р Магдалена Несторовска, директори на агенции и институции, професори и вработени во МВР.
Изразувајќи го задоволството за поканата да ја прогласи за отворена оваа веќе етаблирана традиционална спортска манифестација, министерот Спасовски рече дека традицијата на негување на спортскиот натпреварувачки дух, како и запознавањето и другарувањето се значајни вредности за негувањеи надградување, особено кога станува збор за професија како полициската, која се одликува со висок степен на одговорност, посветеност и професионализам во секојдневната работа, но и со потреба од постојана соработка, размена на податоци и искуства со колегите од регионот и од Европа.
Македонскиот полициски синдикат, додаде Спасовски, може да се пофали со исклучително богато професионално портфолио во доменот на синдикалното работење и заштитата и подобрувањето на социјалниот статус на вработените во МВР.
-Затоа денес МПС со право претставува достоен и респектиран партнер на раководството на Министерството, во креирањето на економско-социјалната, но и на професионалната атмосфера во него, рече министерот и изрази уверување дека и во наредниот период раководството на МПС ќе продолжи по веќе етаблираниот курс на кредибилен заштитник и поборник за синдикални и социјална права на сите вработени, продолжувајќи заедно со раководството на МВР со праксата на динамично подобрување на економскиот и професионален статус на сите вработени.
Претседателот на МПС, Марјан Кицев ги поздрави присутните и им посака добредојде и убав престој во нашиот бисер Охрид. Воедно, тој на учесниците им посака многу успеси во сите дисциплини, и да победи најдобриот. Тој нагласи дека соработката и дружбата меѓу полициските службеници е од големо значење за МПС и МВР, за унапредувањето на безбедносниот систем на државата и со несмален интензитет истите ќе продолжат преку заеднички проекти.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница