Зошто е добро да правите склекови

Склековите се тешки за изведување затоа што во нив се користи целата телесна тежина, но се едноставни и не морате да користите никаква опрема за вежбање. Покрај тоа нема да потрошите повеќе од 10 минути дневно, а ќе постигнете многу. Почнете со секојдневно практикување на склековите, резултатот ќе го видите зе еден месец. А еве и за што се’ е добро секојдневното правење склекови.

• Го зајакнувате грбот

Склекоивите се идеална вежба за зајакнување, не само на градите и горниот дел на грбот, туку и на долниот дел на грбот, бидејќи овозможуваат зајакнување на мускулите во тој дел. Со оваа вежба, всушност го зајакнувате и го подготвувате грбот за секојдневни предизвици. Вежбањето склекови, ја олеснува работата на грбот при подигнување на потешки предмети.

• Го намалувате ризикот од повреди

Склековите се безбедна вежба за изведување, бидејќи се потпирате на својата телесна тежина. Со нивното изведување ги спречувате болките во грбот и ги намалувате шансите да се повредите при вежбање со разни справи и тегови ако сте почетник.

• Го поттикнувате метаболизмот

Кога правите склекови, всушност, му помагате на цело тело. Ако тоа го правите секојдневно, допринесувате кај потрошувачката на калории и слабеењето бидејќи се убрзува метаболизмот. Во исто време ги обликувате мускулите кои тогаш имаат потреба за повеќе енергија одколку обично што им треба.

• Ја подобрувате рамнотежата

Доколку можете малку или воопшто не можете да стоите на една нога, најчесто тоа е поради тоа што грбот не е доволно раздвижен, односно мускулите се многу ослабени. Со вежбање на склекови тие мускули се зајакнуваат и овозможува подобра рамнотежа.

• Го подобрувате држењето

Причината за лошо држење не е само искривен р’бет или кук, туку и ослабена мускулатура на грбот, рамењата и вратот. Редовно вежбање склекови ги зајакнува сите мускули тоа ја ублажува болката во р’бетот и ќе го олесни исправното држење.

• Ја подобрувате подвижноста

Предноста која ја добивате со правењето склекови е и поголема флексибилност на телото. Ќе ви биде потребно помалку труд да се придвижите. Склековите, едноставно, ги мобилизираат сите мускули – рамења, екстремитети, задник, нозе па дури и прстите на нозете. Така да секојдневните движења се полесни, а и ризикот од повреди при нагли движења и спортување е помал.