Гостивар
Бесплатни правни совети и помош за гостиварци
Во канцеларијата на Подрачната единица на Министерството за правда во Гостивар, граѓаните може да добијат правни совети и помош бесплатно. Со цел да се промовираат ваквите можности, денес во Гостивар се спроведе кампања на која присуствуваа и ресорниот министер Кренар Лога и градоначалникот Арбен Таравари.
„Граѓаните да се сензибилизираат за добивање бесплатна правна помош, особено секундарна правна помош за оние ранливите катерогии кои имаат загарантирани права со устав и закон“, изјави министерот.
Бесплатната правна помош е наменета за ранливите граѓани кои се во тешка финансиска состојба со што ќе им се овозможи да добијат правна помош од адвокат и фер судење. Граѓаните имаа можност одблиску да се информираат и да добијат одговори за начинот на кој може да се побара и добие бесплатна правна помош, вклучувајќи го семејното насилство, старателство, дискриминација, социјална и здравствена заштита, работни спорови, оставински постапки.
„Ова е иницијатива многу добродојдена за граѓаните. Во подрачната единица на Министерството за правда ќе се даваат правни совети на сите граѓани кои имаат потреба. Ние како општина ќе се обидуваме колку што можеме да им помогнеме и да ги упатуваме граѓаните кои имаат потреба од правни совети, бидејќи и има такви кои доаѓаат во општината за таа цел“, кажа Таравари.
Кампањата се реализира во различни региони во земјава и е поддржана од Европската Унија и Советот на Европа. „На ваков начин го зајакнуваме пристапот до правда за граѓаните, што е една од основните вредности на ЕУ и Советот на ЕУ“, рече Ирена Цуцуловска Јакимовска, проектен координатор во канцеларијата на Советот на Европа во Скопје.
Кампањата е организирана во рамките на проектот „За консолидиран и поефикасен систем за бесплатна правна помош во Северна Македонија“.
-
Гостиварпред 2 недели
Стани успешен техничар за е-трговија, дигитален маркетинг и угостителство, сметководител, банкар, правник – запиши се во СЕОУ Гостивар
-
Парламентарни избори 2024пред 3 месеци
Потврдени листите на СДСМ, гостиварката Ема Нешковска трета во ИЕ 6
-
Животпред 3 месеци
Како да се справите со анксиозните и паничните напади?
-
Гостиварпред 3 месеци
Света архијерејска Василиева литургија во Гостивар со гости од Србија и чин на ракоположување
-
Гостиварпред 2 месеци
Физички напади и групна тепачка вчера во Гостивар
-
Регионпред 3 месеци
Во Хрватска повлечени наполитанки од познат бренд
-
Гостиварпред 2 месеци
Вечен помен и слава! Девет години од смртта на хероите Горан и Ненад
-
Гостиварпред 2 месеци
Гостиварец го загуби животот во сообраќaјна несреќа