Изјава на претседателскиот кандидат Бујар Османи од ДУИ

Кандидатот за претседател на коалицијата „Европски фронт“ предводена од ДУИ Бујар Османи денеска гласаше во избирачкото место во ОУ „Адем Јашари“ во Општина Чаир.

• Да посакам изборите денеска да бидат слободни, фер и демократски. Граѓаните да имаат можност да излезат масовно да гласаат. Да гласаат според своето убедување, но да гласаат со цел и надеж за подобри денови на нашата држава во големата европска фамилија, изјави Османи по гласањето.

Според него, овие избори не се обични туку, како што рече, се одлучувачки избори по однос на иднината на државата.

• Граѓаните се исправени пред две опции, пред изолацијата или интеграцијата. Очекувам да ја донесат вистинската одлука, рече Османи.