Украден автомобил во Тетово пронајден на паркинг во Гостивар

Четириесет и деветгодишен тетовец Ш.Р, вчеравечер околу 19 часот, пријавил кражба на автомобил. Според него десетина минути пред тоа, на улица „Илинденска“ во Тетово, засега непознати сторители му го одзеле неговото возило „пасат“ со тетовски регистерски таблици. Возилото било незаклучено и во погон, а тој слегол нешто да купи и кога се вратил, веќе го немало.  Во возилото имал повеќе документи и мобилен телефон, соопштува Секторот за внатрешни работи.

Околу 1 часот и 20 минути по полноќ, пасатот бил пронајдено на паркинг пред зграда на улица „Мара Угринова“ во Гостивар. По планираната кримтехничка обработка денеска, возилото ќе му биде вратено на сопственикот, известува полицијата.