Вести
Последен воз да се спасат 3 милиони денари за подобар живот на Ромите во Гостивар
Грант од три милиони денари, наменет за инвестиции во ромски населби во Гостивар ќе пропадне, доколку до крајот на месецов не се усвои Локалниот Акциски план за Ромите, алармираат граѓани и невладиниот сектор. На последната седница на Советот на општина Гостивар, Акцискиот план беше повлечен од дневен ред од страна на советникот Кашмир Салиу, со образложение дека истиот треба да се дополни.
Од хуманитарното здружение „Месечина“ велат дека e направена огромна штета врз ромската популација во Гостивар и го повикаа Советот да ја поправи грешката.
„Ние како ромска невладина организација и ромското население со кое контактираме имаме замерено многу на советниците кои гласаа за повлекување на Акцискиот план. Тоа беше нелогичен чекор, а самиот советник што предложи повлекување, учествуваше во креирањето на планот. Огромна штета е направена, а тоа е недобивање на веќе обезбеден грант од Министерството без ресор надлежно за спроведување на Стратегијата за Ромите. Тие три милиони денари требаше да се искористат за урбанизација на најзагрозената населба кадешто живеат Роми, Дупка и асфалтирање на една улица со претежно ромско население. Ги повикуваме советниците до крајот на овој месец да успеат да се состанат за доброто на ромската заедница, да го донесат Локалниот Акционен план, со кој ќе овозможат искористување на парите. Тоа е последната шанса“, изјави Мухамед Точи, претседател на „Месечина“
Точи нагласи дека усвојувањето и самото спроведување на Локалниот Акционен план е обврска на општината, а невладиниот сектор има улога да помага и придонесува во неговото остварување.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 3 месеци
Историјат на Осми март – Празник посветен на правата на жените
-
Гостиварпред 3 месеци
Гостиварско архиерејско намесништво: Распоред на дежурни свештеници за Задушница
-
Парламентарни избори 2024пред 2 месеци
Потврдени листите на СДСМ, гостиварката Ема Нешковска трета во ИЕ 6