Вести
Студенти и средношколци во посета на Апелациониот суд во Гостивар
![](https://gostivarpress.mk/wp-content/uploads/2018/10/apelacija.jpg)
Студенти и средношколци од Гостивар, денес имаа можност одблиску да се запознаат со работата и функционирањето на гостиварскиот Апелационен суд. Домаќин им беше претседателот на Апелација, Шефајет Хајдари, кој ги информираше за формирањето и почетоците на судот, организацијата и обемот на работата и друго.
Посетата на младите во Апелација се организираше во рамки на одбележувањето на Европскиот ден на граѓанската правда, 25 октомври.
„Задоволство ми е што овие млади луѓе ја прифатија поканата да бидат дел од Отворениот ден и да се запознаат со нашето работење. Апелациониот суд е формиран 2007-ма година и тогаш се избрани првите судии на овој суд. Надлежни сме да постапуваме по жалби на донесени одлуки од првостепените судови во Основиот суд Гостивар, Тетово, Дебар и Кичево. Нашиот суд е така организиран, што имаме специјализирани совети:кривичен, граѓански, стопански и совет за малолетничка деликвенција“, рече Хајдари.
Студентите и учениците прошетаа и низ судските простории, а поставуваа и прашања врзани со работата на судот и судиите. Се интересираа за начинот на избор на судии, распределбата на предметите, борбата против корупцијата и слично.
Европскиот ден на граѓанска правда, има за цел преку разни активности граѓаните непосредно да се запознаат со функционирањето на системот на правосудството.
-
Гостиварпред 2 недели
Стани успешен техничар за е-трговија, дигитален маркетинг и угостителство, сметководител, банкар, правник – запиши се во СЕОУ Гостивар
-
Парламентарни избори 2024пред 3 месеци
Потврдени листите на СДСМ, гостиварката Ема Нешковска трета во ИЕ 6
-
Животпред 3 месеци
Како да се справите со анксиозните и паничните напади?
-
Гостиварпред 3 месеци
Света архијерејска Василиева литургија во Гостивар со гости од Србија и чин на ракоположување
-
Гостиварпред 2 месеци
Физички напади и групна тепачка вчера во Гостивар
-
Регионпред 3 месеци
Во Хрватска повлечени наполитанки од познат бренд
-
Гостиварпред 2 месеци
Вечен помен и слава! Девет години од смртта на хероите Горан и Ненад
-
Гостиварпред 2 месеци
Гостиварец го загуби животот во сообраќaјна несреќа