Кривична и дисциплинска за полицаецот пријавен за тепање на момчиња од Врапчиште

Одделот за внатрешна контрола, криминалистички истраги и професионални стандарди поднесе кривична пријава против Ј.Ј. полициски службеник во ПС Гостивар, поради постоење на основано сомнение за сторено кривично дело „малтретирање во вршење на службата “.

МВР наведува дека пријавениот кривичното дело го сторил на  25-ти овој месец околу 00,30 часот, во село Топлица, на начин  што при преземање на полициски овластувања, ги пречекорил границите на службеното овластување, применувајќи прекумерна физичка сила врз четири лица селото Врапчиште.
„Откако патничко моторно возило ‘Опел Кадет“ со српска национална ознака во кое биле четирите лица, не запрело на даден знак за запирање од страна на полициските службеници откако биле сопрени, пријавениот Ј.Ј. физички ги нападнал лицата. Против него е поведена и дисциплинска постапка“, соопшти полицијата.