Министерството за култура со препорака културните установи да не одржуваат манифестации до петок

Министерството за култура согласно препораките на Владата за соодветна превенција за запирање на ширењето на корона вирусот, им препорача на институциите од областа на културата, како и на организаторите на поголеми јавни културни настани да ги откажат сите јавни собири до 6 март 2020 година.

Во Македонија првиот случај на коронавирус беше регистриран неделава. Се работи за жена на возраст од 50 години, која престојувала во Италија. Пациентката е хоспитализирана на Инфективната клиника во Скопје и според последните информации од Министерството за здравство е во добра здравствена состојба.

Од вчеравечер во соба за изолација се наоѓа возачот на комбето со кое пациентката допатувала од Италија во Македонија. Тој сам пријавил дека има симптоми на кашлица и болки во градите, анализите дали е заразен се во тек и се оечкуваат резултатите.

Надлежните постојано апелираат граѓаните да ги почитуваат препораките за заштита од коронавирусот, а тие кои имаат симптоми да се јават на телефонските броеви на здравствени служби.