Гостивар
Од недела блокада на Русино, ќе важи и за камионите со ѓубре од Гостивар!
Од недела точно напладне започнува десетдневно блокирање на патот кој води до Русино. Граѓанската иницијатива „Стоп Русино, чист воздух за Гостивар“, организатори на блокадата, соопштија дека со автомобили и трактори ќе се лоцираат на патот, и нема да пропуштаат камиони и возила со отпад. Други возила ќе можат да поминуваат. Се‘ додека таканаречената депонија гори, блокадата ќе важи и за камионите на ЈКП „Комуналец“ Гостивар.
„Русино се‘ уште гори, тлее и чади. Граѓаните и ние како иницијатива сме разочарани од институциите кои само ветуваат дека ќе се преземат мерки, а не прават ништо. Не сакаме ветувања, сакаме да се интервенира. Нашите итни барања се: Да се запре горењето, да се стават камери и обезбедување за да се спречат или идентификуваат подметнувачи на пожари и општината да поднесе итно барање до надлежните за санација и затворање на ѓубриштето Русино и одредување нова локација и изградба на регионална депонија согласно ЕУ стандардите. Кога ќе се исполнат овие наши барања, приодот ќе биде дозволен само за возилата на Комуналец-Гостивар и тоа редовно ќе се проверува“, велат граѓанските активисти.
Од иницијативата напоменуваат дека надеж полагаат и во Армијата, чии претставници деновиве го посетија Русино и ветиле дека ќе се вклучат во гаснење, доколку продолжи горењето.
На јавната дебата што се одржа пред неколку дена во Гостивар, градоначалникот Арбен Таравари рече дека од понеделник, на околните општини им е е забрането да носат смет, а Русино ќе го користи само гостиварски Комуналец.
Каква ќе биде разврската и текот на настаните со блокирањето и исполнување на барањата на граѓаните, останува да се види.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот