Од утре влез во Србија само со негативен ПЦР тест за македонски државјани

Македонските државјани, од утре ќе можат да влезат во Србија само со негативен ПЦР тест не постар од 48 часа, одлучи денешниот Кризен штаб во Белград.

Освен за Македонците, одлуката од утре стапува на сила за државјани на Хрватска, Бугарија и Романија, најави епидемиологот Дарија Кисиќ Тепавчевиќ.

Таа додаде дека пропишаниот период од 48 часа започнува да тече од моментот на издавање на сертификатите од страна на лабораториите.

Кисиќ Тепавчевиќ посочи дека таквата одлука е донесена врз основа на проценка на епидемиолошката состојба, како и врз основа на трендот на заболување од коронавирусот.