КК Гостивар стартува против ФМП Академија во гости – Големо дерби веќе во 2.коло

Со ждрепка во просториите на Кошаркарската федерација на С.Македонија, одреден е распоредот на натпреварите во Првата кошаркарска лига за претстојната сезона 2020/2021.

„Бело-сините“ сезоната ќе ја отворат на гостински терен во Кисела Вода против екипата на ФМП Академија, а веќе во второто коло, следи големото дерби со екипата на Работнички во Спортската сала Младост во Гостивар.

Натпреварувањето треба да започне првиот викенд во октомври. За сега натпреварите поради COVID-19 пандемијата ќе се играат пред празни трибини.

Оваа сезона Првата лига брои 12 екипи, по завршувањето на регуларниот дел најдобрите шест продолжуваат во Суперлигата, од кои најдобрите четири екипи преку плеј-оф ќе се борат за титулата, шампион на Македонија. Во долниот дел од табелата по првата фаза ќе се игра плеј-аут за испаѓање.