Гостиварско архиерејско намесништво: Славските колачи за Св. Никола ќе се благословуваат во црква, наместо дома

Во пресрет на празникот Свети Никола, кој голем број на православни верници во Гостивар го имаат за куќна слава, Гостиварското архиерејско намесништво соопшти дека организира дежурни свештеници кои ќе ги благословат славските колачи во црква, наместо во домовите.

„Поради настанатата состојба со пандемијата предизвикана од вирусот Covid-19, се повикува православното население од Општина Гостивар кое го чествува Свети Никола како куќна слава и до сега своите славски колачи ги благословувале дома, годинава истите заедно со пченицата и виното да ги донесат во храмот „Света Богородица“ во Гостивар. Свештенството од гостиварското намесништво организира дежурни свештеници кои ќе ги благословат славските колачи на ден 18.12.2020 (петок) во период од 7 до 20 часот и на 19.12.2020 (сабота) од 7 до 18 часот“, се вели во соопштението на Гостиварското архиерејско намесништво.