Во возило што го управувал гостиварец пронајдени мигранти од Сомалија, Сирија и Пакистан

Денес во 13.45 часот полициски службеници од Полициска станица Богородица кај место викано „Одморалиште“ на автопатот „Пријателство“ (Табановце-Богородица), го лишиле од слобода Д.С. од Гостивар, поради постоење основи на сомнение дека извршил кривично дело „криумчарење на мигранти“. При контрола во патничко возило со скопски регистарски ознаки, кое тој го управувал, биле пронајдени 10 лица мигранти (Сомалија-6, Сирија-3 и Пакистан-1), информира МВР.

За случајот е известен Јавен обвинител, извршен е увид од увидна екипа од ОВР Гевгелија и по документирање на случајот ќе биде поднесен соодветен поднесок.