Апел од СВР Тетово: На првомајски излет строго според препораките за заштита од коронавирус

Во пресрет на продолжениот празничен, првомајски викенд, Секторот за внатрешни работи Тетово апелира до граѓаните кои наредните денови планираат излети во природа, строго да се придржуваат на владините одлуки и препораките од здравствените власти, да не се собираат на едно место повеќе од двајца, да внимаваат на пропишаната дистанца и на задолжителното користење на заштитни средства.

Покрај ова, на граѓаните им се укажува да не палат огнови на отворен простор, кои брзо и лесно можат да предизвикаат пожар.

Со оглед на очекуваната зголемена сообраќајна фрекфенција на подрачјето, на возачите им се советува максимално почитување на сообраќајните правила и прописи, прилагодување на брзината според условите на патот и да не управуваат возила под дејство на алкохол.

Секторот за внатрешни работи Тетово најавува дека во овој период ќе ги засили контролните активности на сите патишта и законски ќе ги санкционира откриените прекршоци, со цел да обезбеди непречено и безбедно движење на сите учесници во сообраќајот.