Гостивар: Лице кое требало да биде во самоизолација прекршило полициски час

Основното јавно обвинителство Гостивар поднесе предлог за парична казна во висина од 100 дневни глоби за лице кое непочитувало мерки за спречување на опасната заразна болест – коронавирус.

Обвинителството соопшти дека обвинетиот кој требало да биде во задолжителна самоизолација согласно донесените мерки за сузбивање на COVID 19, на 26 март во 22 часот не го почитувал ниту полицискиот час, и се движел со возило низ Гостивар.

Ова е еден од дванаесетте предмети на ОЈО Гостивар врзани со непочитување на антикорона мерки во периодот од 18 до 27 март. Најчестата казна која ја предлага обвинителството за прекршувањата е парична, во висина од 10 до 100 дневни глоби.