Гостиварецот Анди Исмаили влезе во финале на Суперталент

Повеќекратниот светски првак во современ танц, Анди Исмаили од Гостивар си обезбеди место во финалето на хрватското талент-шоу „Суперталент“. Четиринаесетгодишното момче, пасиониран вљубеник во играњето, уште еднаш ги докажа своите танцувачки способности претставувајќи се во најдобро светло, пред жирито и публиката со кореографија на песната „Skyfall“ од Адел, филмска тема од Џејмс Бонд.

„Не можам да ги најдам вистинските зборови за да изразам колку сум среќен. За финалето подготвувам нешто уште поспектакуларно“, рече Анди по влезот во финалето.

Младиот гостиварец почна да се занимава со танцување пред околу 6 години и од тогаш реди само успеси и престижни титули. Неговиот сон е да стигне во Холивуд, а освен во танцување, има желба да се покаже и како актер.