Гостиварецот Решат Амети е нов декан на Факултетот за ликовни уметности во Тетово

Ликовниот уметник и професор Решат Амети од Гостивар е назначен за в.д декан на Факултетот за ликовни уметности на Државниот Универзитет во Тетово.

Амети е роден во 1964 година во Гостивар. Завршил факултет за ликовни уметности во Скопје, во класата на проф. Ана Темкова, а магистрирал на ФЛУ во Приштина, Косово. Имал самостојни изложби во САД, Германија, Турција, Швајцарија, Франција и други земји, а со свои дела учествувал на преку 200 групни изложби во земјава и странство. Добитник е на високи награди и признанија за твоето творештво, меѓу кои и на државната награда „11 Октомври“ за животно дело во областа на уметноста и културата.

Претседател е на Здружението на ликовни уметници Драудакум-Гостивар.