Македонија
Интернетот и социјалните мрежи штетно влијаат врз децата
![](https://gostivarpress.mk/wp-content/uploads/2019/07/deca-internet.jpg)
Децата поминуваат премногу време на интернет, а тоа има штетно влијание врз нив, сметаат граѓаните во најновото истражување на јавното мислење кое за Детектор го спроведе Институтот за политички истражувања Скопје. Интересно е што ваквиот став доаѓа од граѓани кои повеќе од две третини велат дека ги користат социјалните мрежи, а на интернет дневно поминуваат и по повеќе од 2 часа. 69,4% од граѓаните сметаат дека интернетот негативно влијае врз децата, додека 26,1% сметаат дека има позитивно влијание.
Најголемиот дел од граѓаните или 79,6% сметаат дека децата поминуваат премногу време на интернет. Само 10% сметаат дека децата поминуваат соодветно време а има и 5,6% од анкетирани кои се на ставот дека децата поминуваат премалку време на интернет. 86,7% од анкетираните сметаат дека децата треба да имаат ограничено време кое ќе го помимнуваат на интернет, додека само 7,7% сметаат дека тоа не е потребно. 85,1% од анкетираните сметаат дека одредени апликации, игри или социјални мрежи кои не се соодветни за децата треба да се забранат. Најголемиот дел од граѓаните или 25,4% на интернет дневно поминуваат меѓу 1 и два часа. 18% поминуваат под 1 час додека 14,6% на интернет се над 4 часа секој ден. Две третини од граѓаните или 69% рекле дека користат социјални мрежи додека 23,4% рекле дека не ги користат. Очекувано, најмногу корисници на социјални мрежи, меѓу 85 и 90% има кај граѓаните до 50 годишна возраст. Меѓу оние кои имаат над 60 години социјални мрежи користат само една третина или 31,6%. Граѓаните најчесто користат Фејсбук. 65,3% од анкетираните рекле дека тоа е нивниот прв избор. Втор избор за 32,5% од граѓаните е Инстаграм. Се користат и Тик-ток, Икс и Јутјуб. Точно две третини од граѓаните сметаат дека социјалните мрежи имаат негативно влијание врз луѓето, додека 24,3% сметаат дека влијанието е позитивно.
Анкетата за Детектор ја спроведе Институтот за политички истражувања Скопје, врз репрезентативен примерок од 1116 испитаници, во периодот од 23 до26 мај оваа година.
-
Гостиварпред 2 недели
Стани успешен техничар за е-трговија, дигитален маркетинг и угостителство, сметководител, банкар, правник – запиши се во СЕОУ Гостивар
-
Парламентарни избори 2024пред 3 месеци
Потврдени листите на СДСМ, гостиварката Ема Нешковска трета во ИЕ 6
-
Животпред 3 месеци
Како да се справите со анксиозните и паничните напади?
-
Гостиварпред 3 месеци
Света архијерејска Василиева литургија во Гостивар со гости од Србија и чин на ракоположување
-
Гостиварпред 2 месеци
Физички напади и групна тепачка вчера во Гостивар
-
Регионпред 3 месеци
Во Хрватска повлечени наполитанки од познат бренд
-
Гостиварпред 2 месеци
Вечен помен и слава! Девет години од смртта на хероите Горан и Ненад
-
Гостиварпред 2 месеци
Гостиварец го загуби животот во сообраќaјна несреќа