„МИНУТИ ЗА СЕКОГО“ на Gostivarpress.mk со Велко Бобароски, претседател на Здружение на дијабетичари во Гостивар

Почитувана публико, дојде време за ново издание на видео емисијата „МИНУТИ ЗА СЕКОГО“ на Gostivarpress.mk која започнавме да ја емитуваме на нашиот Jутуб канал. Потсетуваме дека се работи за серијал емисии посветени на теми од интерес на јавноста, проблематики што ги мачат граѓаните, особено ранливите категории, со цел да придонесеме за подигнување на свеста и реакции од институциите за позитивни промени.

Во ова издание, кое премиерно ќе се емитува вечерва (30 август) во 21 часот зборуваме за дијабетесот, една од најчестите хронични состојби во светот, со која се соочуваат и живеат голем број луѓе. Акцентот го ставаме на нивните предизвици и проблеми, недостигот на инсулин и друга терапија, битките со институциите кои овие луѓе ги водат за обезбедување на она што како човеково право им следува – здравствена грижа и заштита. Ќе може да слушнете како дијабетичарите и нивните семејства се снаоѓаат со инсулинска терапија, ленти за мерење шеќер во крвта, какви се состојбите конкретно во Гостивар. Отворено говориме за неопходноста од сензори за мерење, особено за дечињата, за да не мора да се боцкаат и до 10 пати дневно…

Наш сооворник е Велко Бобароски, претседател на Здружение на дијабетичари „Вардар“ во Гостивар, и професор по физичка култура.

Сите видео емисии од овој серијал се со толкување на знаковен јазик, за глуви и наглуви лица.

НЕ ПРОПУШТАЈТЕ!