На полноќ започнува трката за претседател – Кандидатите се обврзаа за фер избори

Утре на 1 април, започнува трката за Претседател на државата. Тројцата кандидати Блерим Река, Гордана Силјановска Давкова и Стево Пендаровски, денеска со потпишување на кодексот за фер и демократски избори, се обврзаа на чесна и фер игра во изборениот процес.

На стартот на изборниот караван, едногласни беа кандидатите дека на професори не им прилега црна кампања.

Иборната кампањата ќе трае до 19 април кога почнува предизборниот молк. На шестите претседателски избори право на глас ќе имаат 1.808.131 гласачи, 6.000 помалку од последните локални избори. Првиот круг е закажан за 21 април, а вториот две недели подоцна, на 5 мај. Тогаш за успешни избори ќе биде потребно на гласање да излезат над 40% од вкупниот број на запишани избирачи или нешто повеќе од 723.000 гласачи