НАЈЧИТАНИ ВО 2021: DAVA Гостивар ќе ја реновира куќата и ќе ги покрие потребите на загрозеното семејство

На крајот сме од оваа 2021 година и редно е да се потсетиме на најинтересните и најчитаните текстови на Gostivarpress.mk од 1 јануари, па се до денеска (без хроника и ковид). 

Во следните три дена, целосно ќе ги реобјавиме 10-те најчитаните прилози, да се потсетиме што беше тоа што најмногу го привлече вашето внимание…

Објавено на: Окт 19, 2021

Хуманитарната организација DAVA излегува во пресрет на семејството Трпески од Гостивар, чија приказна за тешкиот живот и немаштијата беше објавена и споделувана. Од организацијата утрово го посетија семејството и поразговараа со нив за потребите од реновирање на домот, лекови, храна, облека, сметки и останато.

„Целосно ќе се погрижиме за се‘ што му е потребно на семејството. Ќе ја реновираме куќата, ќе обезбедуваме редовно лекови и храна, за девојчето се‘ што треба за на училиште, облека и друго. Исто така, ќе ги подмириме сметките за струја за период од една година.“, рече претседателот на организацијата DAVA, Муса Хусеин.

Тричленовото семејство на мајката Весна, малата Лена и бабата живеат од мала социјална помош, која не им стасува за основните потреби. Девојчето по смртта на својот татко од стрес добива здравствени проблеми и прима терапија.