ОД УТРЕ: Нема повеќе плаќање на рака за суми поголеми од 2000 евра

Со најновите измени на Законот за спречување перење пари и финансирање на тероризам објавени неодамна во „Службен Весник на РМ“ број 120/18 во член 48 е наведено, почнувајќи од 7 јули се забранува плаќање со готовина на стоки и услуги во износ над 2.000 евра во денарска противвредност. Претходниот праг за плаќање во готовина беше 15.000 евра.

Сите еднократни плаќања, како и повеќе очигледно поврзани трансакции ќе мора да се прават преку банка, штедилница или преку сметка во друга институција која дава платежни услуги.

Во член 182 од Законот е пропишано дека почнувајќи од 1 Јануари 2019 година износот на забраната за плаќање со готовина на стоки и услуги од членот 48 се намалува на 1.000 евра а од 1 јуни 2019 година на износ од 500 евра или повеќе во денарска противвредност.