Ордени од Владата за персоналот на инфективно во Гостивар

На тимот од инфективното одделение на општата болница д-р „Ферид Мурад“ во Гостивар, им беа врачени ордени како знак на благодарност во справувањето со ковид пандемијата и грижата за пациентите.

„Утрово бевме повикани кај директорот на болницата и добивме ордени од Владата на Република Северна Македонија за цел персонал на инфективното одделение како благодарница што сме го својот дале придонесот во лечењето на ковид пациетите. Ова е значаен чин за нас, благодарност до Владата и до директорот“, рече раководителот на инфективно во Гостивар д-р Ратко Наумоски.

Здравствените работници од инфективно беа опфатени и со мерка за ваучери од Владата, како тим кој е во првите борбени линии против ковид, но до денес ваучерите не ги добиле.

„Ваучерите не ги добивме, требаше да стигнат во вториот пакет мерки, потоа поранешиот премиер истакна дека Гостивар и Струмица биле заборавени и дека со новиот пакет ќе ги добиеме, но до ден денес не сме ги добиле. Не би сакале да одиме со поригирозни мекри, со штрајкови, сакаме професионално да си ја завршиме работата, но тоа што ни е доделено, ни следува, сакаме да ни биде дадено. Со новиот министер ќе го актуелизираме тоа прашање, зошто не сме ги добиле“, вели д-р Наумоски.