Претстава работена според вистински приказни „Види летам!“ утре во Гостивар

Гостиварци утре, 18-ти јуни, ќе имаат можност да проследат театарска претстава правена по вистински приказни на лица бегалци, баратели на азил и лица без државјанство, под наслов „Види, летам!“ во продукција на Вондрленд Театар.

Овие луѓе на посебни работилници водени од тимот на претставата, храбро ги споделија своите животни искуства со актерите, авторот и режисерот. Нивните идентитети во текот на целиот процес остануваат заштитени и анонимни. Раскажаните приказни авторот на претставата Ана Ристовска Трпеноска ги преточи во емотивен текст кој што говори за трауматичните настани низ кои овие лица поминувале но и за нивните детства, соништа, емотивни потреби, љубовни искуства и потребата да бидат дел од задницата која често ги отфрла. Со доближување на овие важни човечки приказни, продукцијата има за цел да поттикне подлабоко разбирање и поврзување во нашата заедница.
Проектот е во режија на Ивана Ангеловска, а под креативно водство на уметничкиот координатор Нела Витошевиќ. Во претставата играат актерите Никола Настоски, Исмет Шабановиќ, Ана Димитрова, Леонардо Лазов и Сара Спиркоска.

Вондерленд театар е независна театарска продукција со седиште во Скопје. Главните цели на продукцијата поткревање на свеста а потребата од културна и општествена промена како и внесување свежина на независната уметничка сцена, експериментирајќи со алтернативни места и виртуелен простор.

Претставата се игра во рамки на одбележување на Светкиот ден на бегалцитe – 20-ти јуни, а проектот е поддржан од УНХЦР, Агенцијата на ОН за бегалци во соработка со Младински Образовен Форум (МОФ) и Вондерленд театар.
Претставата утре ќе се одржи на сцената на Центарот за култура во Гостивар, со почеток од 20 часот.  Влезот е слободен.