Гостивар
Проблеми со откупот на јагниња во Гостивар: Сточари протестираа пред кланицата
Сезоната на откуп на јагниња пред велигденските празници, создаде проблеми меѓу сточарите од гостиварско и кланицата Горни Полог.
Група сточари денес се собраа на протест пред кланицата, изразија незадоволство од откупната цена и тврдат дека се прави дискриминација по етничка основа, односно наместо јагнињата од сточарите Албанци од гостиварско, се купуваат јагниња од други градови.
„Откупната цена е многу ниска, не ни одговара и со таа цена не можеме ни трошоците да си ги покриеме, а секој ден имаме загуби. Каде се трошоците за храна што сме им давале цела зима, па да се платат овчари и сите други обврски. Бараме да се зголеми цената и да се откупуваат јагниња од сточарите од околината на Гостивар, од гостиварските села. Да не велат дека немаме јагниња, од гостиварскиот регион има доволно јагниња за цела Италија.“, изјави Меџит Усеини, сточар од село Здуње, кој вели дека ако не се надминат проблемите, на сточарите ќе им останат 6 до 7 илјади јагниња кои планирале да ги продадат.
Од Горни Полог ги демантираат тврдењата на сточарите кои денес протестираа пред нивниот објект. Тие велат дека цената од 140 денари за килограм јагне од прва класа, 135 за втора и 127 денари за трета класа е реална и дека не прават никаква дискриминација, туку напротив повеќето сточари од кои земаат јагниња биле Албанци.
„Цената е реална и може да се провери дури дека ние даваме најдобра цена од сите други кланици во земјата. Овде на протест не беа собрани вистинските сточари, тие што се вистински сточари си ја знаат математиката и со нив убаво си функционираме. И не станува збор за никаква диксриминација на национална основа. Во Гостивар има само еден Македонец што држи јагниња, а 90% од јагнињата ние ги земаме од Гостивар, Тетово, Дебар и Кичево и скоро сите се Албанци. Нас не ни е интересот да гледаме кој е Македонец, кој Албанец, туку што има да понуди“, изјави Рајко Максимоски, косопственик на Горни Полог.
Незадоволните сточари по протестот остварија средба со градоначалникот Арбен Таравари, кој рече дека ги поддржува и дека ќе побара од Владата да се решаваат проблемите и да им се обрнува поголемо внимание.
Сточарите најавија дека ако не се изнајде решение, од утре ќе почнат со блокади и ќе ги извадат овците на патиштата.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 3 месеци
Историјат на Осми март – Празник посветен на правата на жените
-
Гостиварпред 3 месеци
Гостиварско архиерејско намесништво: Распоред на дежурни свештеници за Задушница
-
Парламентарни избори 2024пред 2 месеци
Потврдени листите на СДСМ, гостиварката Ема Нешковска трета во ИЕ 6